小娘惹 (已結業)

今日去咗鲗鱼涌揾食，要行入啲小巷先揾到呢间小店，铺面细细但装修充满马来风情﹐小店主要由老板同老板娘打理，老板娘好有礼貌。店入面贴咗啲明星嚟帮衬同佢哋嘅合照，仲有大大小小嘅剪报同杂志访问～新加坡深海鱼蛋喇沙($66)好钟意佢个汤底，够滑好惹味，椰香好浓，面底系油面同米粉，鱼蛋弹牙，仲有豆卜都入晒味，𩠌同份量够足料，好快就食晒成碗，都唔会觉得好口渴～佢送咗杯无糖罗汉果茶，啖啖地，食饱喇沙饮杯茶，个口即刻清新晒，成件事好match～佢净系做午市，星期一至五做到晏昼2点半，行开不妨去试吓！