恆記清湯牛腩 (已結業)

呢间食店新开冇耐，舖面面积唔算大， 但相当干净企理， 今次试咗佢嘅鱼蛋云吞竹升面。佢话系鱼蛋王， 我都好有好奇心究竟有几出色， 老板攞过嚟嘅时候，眼见鱼蛋同出面𠮶啲冇乜分别， 仲有啲涨身，谂住中伏， 点知食落粒鱼蛋好有鱼味， 非常弹牙，绝对唔系行货。个面底仲有惊喜，相当弹牙，仲有淡淡嘅蛋香。云吞都好食嘅， 但相对鱼蛋同埋个面底，就显得冇咁特别。虽然你间铺头价钱都唔平，但食物质素绝对配得上个价钱，成间铺头就系得老板一个搞晒， 但佢都对客人好有礼貌仲叫我哋慢慢食唔使心急， 食物质素绝对系非常好，下次一定会再帮衬。