心選 (已結業)

好冻嘅12月头，同朋友去到旺角，见到有间楼上Cafe都几多好评，于是想去试吓。位于一栋大厦嘅2楼，需要行楼梯上去，感觉有啲惊险，上到去发现系一个非常舒适嘅小天地！晚餐嘅餐牌都几多选择，适合唔同嘅口味嘅人去食。我哋叫咗鳗鱼炒饭，同埋一个鸡翼，另外叫咗两杯嘢饮。鳗鱼炒饭个份量都几大，用鳗鱼汁去炒非常惹味。入而有都几大旧嘅鳗鱼粒同粟米粒，都几多，好好食😋另外就系蜜糖鸡翼啦，个份量都几多，有五只，而且蜜糖真系好似真系食紧烧烤𠮶啲蜜糖咁，几清甜同特别清新。我叫咗杯特浓朱古力，上面有个好可爱嘅拉花，饮落都令人觉得特别开心同满足。