心事如塵茶食亭 (海暉大廈) (已結業)

今日去咗鲗鱼涌嘅心事如尘茶食亭。呢间餐厅喺鲗鱼涌地铁站B出口，行过行人天桥就到㗎啦，非常方便。喺芬尼街，餐厅门口有一个白色嘅招牌，好显眼，系一旧尘嘅卡通公仔，好得意㗎。有小食例如饼干，台式饮品，仲有几款饭买。我叫咗个巨尘套餐，系有一个牛肉丼饭配牛油果合桃沙律，另外再加一杯台式饮品，叫咗排毒果蔬类嘅红火龙果苹果汁。呢杯果汁我叫咗走冰无糖，虽然无糖但系因为用料新鲜，饮落去非常之舒服，饮得生果原来的味道，非常清新啊。至于牛肉丼饭就不过不失啦，堂食嘅关系，听到有熟客来外卖要超多汁丼饭，我谂住下次都会叫超多汁，因为本身个汁实在太少喇。