禮 (打鼓嶺道)

营业中

休息中

星期五晚想揾个地方同朋友一齐食饭倾计, 度度都要限时... 见到呢间🔸礼🔸居酒屋无限时, 所以就即刻book 位试吓喇。居酒屋地方唔大, 感觉好温馨, 枱与枱之间嘅距离好足够, 坐得几舒服。🥢 唐扬小甘虾炸得好香脆, 成只都可以食落口, 加咗少少柠檬汁, 味道更加提鲜。🥢 火炙明太子本来怕明太子会好腥, 不过呢个明太子配咗青瓜一齐食, 反而好爽脆, 好清新。🥢 串烧(鹿儿岛一口牛, 妈妈咸蛋猪肉棒, 牛油果豚肉卷, 芝士翠玉瓜 & 厚烧豆腐)全部串烧都处理得几好, 妈妈咸蛋猪肉棒食唔到咸蛋味, 不过肉质好软腍。牛油果豚肉卷有入口即溶嘅感觉。鹿儿岛一口牛, 芝士翠玉瓜 & 厚烧豆腐嘅味道都不过不失。🥢 油甘鱼鲛油甘鱼鲛好大只, 烧得好嫩滑, 肉质好鲜甜, 好适合𩠌酒食呀。🥢 樱花虾大阪烧饼大阪烧饼面层舖满樱花虾同粉红色嘅木鱼丝, 视角已经好冲击好靓, 里面嘅馅料好充足, 烧得外脆内软, 好好味。🥢 芝士年糕外面脆卜卜, 芝士好香好软, 唔会觉得腻。整体食物都好食, 完全唔会催大家埋单, 价钱虽然比较贵, 不过都值得再食。