影片
更多
2022-09-25
23 浏览
📍一汁一菜呢间日式便当店我系观塘返工个时已经试过外卖，印象十分唔错～ 今次嚟左朗豪坊店，原来佢哋有堂食，位置宽敞仲可以坐低慢慢食(⁎⁍̴̛ᴗ⁍̴̛⁎)🍽食物我哋嗌左个一汁一菜二人餐 $178可以拣2个汤：👍🏻北海道产甜粟鸡肉豆乳浓汤 7.5/10呢款汤好creamy同埋充满浓浓香甜粟米味～ 有啲似日本个款罐头粟米汤，但系更浓郁同更足料嘅版本，入面仲有几旧鸡肉同西兰花，不过鸡肉有少少嚡，成碗暖粒粒好饱肚～👍🏻意大利产蕃茄蔬菜浓汤（配温泉蛋）8/10呢款比较似罗宋汤，入面同样好足料！有洋葱、薯仔、红萝卜，全部都煮到好入味，酸酸甜甜好开胃！捞埋温泉蛋多左种好滑溜嘅口感，都几特别😋可以拣2款小菜：👍🏻蕃茄菠菜芝士鸡肉卷 7.5有3旧芝士鸡卷，出面系鸡胸肉入面包住菠菜同芝士，啖啖肉得嚟仲食到芝士香，不过菠菜煮得有啲淋冇左个口感，但配埋蕃茄酱一齐食都好开胃！👍🏻油扬豆腐黑豚姜汁烧 7/10呢款比较似家庭式餐馆嘅日常菜，油扬同豚肉一齐用酱油煮，煮得好入味，唔知点解好似妈妈煮饭嘅味道，好有亲切感🤣✨和风番茄鸡肉咖喱饭 8/10个咖哩饭好大碟～ 虽然menu写佢有一只辣椒但系食落只系好微微辣嘅感觉，唔食得辣嘅朋
呢间日式便当店我系观塘返工个时已经试过外卖，印象十分唔错～ 今次嚟左朗豪坊店，原来佢哋有堂食，位置宽敞仲可以坐低慢慢食(⁎⁍̴̛ᴗ⁍̴̛⁎)
🍽食物
我哋嗌左个一汁一菜二人餐 $178
可以拣2个汤：
👍🏻北海道产甜粟鸡肉豆乳浓汤 7.5/10
呢款汤好creamy同埋充满浓浓香甜粟米味～ 有啲似日本个款罐头粟米汤，但系更浓郁同更足料嘅版本，入面仲有几旧鸡肉同西兰花，不过鸡肉有少少嚡，成碗暖粒粒好饱肚～
👍🏻意大利产蕃茄蔬菜浓汤（配温泉蛋）8/10
呢款比较似罗宋汤，入面同样好足料！有洋葱、薯仔、红萝卜，全部都煮到好入味，酸酸甜甜好开胃！捞埋温泉蛋多左种好滑溜嘅口感，都几特别😋
可以拣2款小菜：
👍🏻蕃茄菠菜芝士鸡肉卷 7.5
有3旧芝士鸡卷，出面系鸡胸肉入面包住菠菜同芝士，啖啖肉得嚟仲食到芝士香，不过菠菜煮得有啲淋冇左个口感，但配埋蕃茄酱一齐食都好开胃！
👍🏻油扬豆腐黑豚姜汁烧 7/10
呢款比较似家庭式餐馆嘅日常菜，油扬同豚肉一齐用酱油煮，煮得好入味，唔知点解好似妈妈煮饭嘅味道，好有亲切感🤣
✨和风番茄鸡肉咖喱饭 8/10
个咖哩饭好大碟～ 虽然menu写佢有一只辣椒但系食落只系好微微辣嘅感觉，唔食得辣嘅朋友都接受到！睇落卖相已经好吸引，整体系酸甜得嚟比较接近日式咖哩个种，唔会香料味好重，中意食日式咖哩嘅不妨可以试吓～
成个餐仲会跟一碗白饭，系用田牧越光米，米粒饱满，煮到粒粒分明；跟餐饮品嗌左蜜桃红茶同乌龙茶，食到最后饮返杯茶真系好似一个完美嘅句号☺️
⛩环境
👍🏻系日系简约嘅设计，全店用左木色家私睇落好舒服，同埋枱同枱之间嘅距离唔会太近，坐得几舒服
💁🏼♀️服务
👍🏻系counter 落完单之后，等一阵就有店员送过嚟，佢见到我哋share仲主动俾埋碗仔我哋，店员态度都好有礼貌
📝总评7.5 /10
虽然品项唔算好多，但系出品都几有诚意，同埋菜式几特别唔系啲行野，价钱公道～ 当晚都见到好多客人单独食或者结伴嚟，如果谂唔到食咩都可以嚟试吓
👛人均消费 ~$98 (连加一服务费)
⏱冇限时
张贴
