品香樓中西風味餐廳

营业中

休息中

十年前老公介绍我嚟食过两次，当时我读紧大学，觉得老公好识食。早几日老公心血来潮，想食Book咗位。餐厅环境同食物水准真系十年如一日，仲系咁好食，同地方几整洁。十年前去学校接我落堂嚟食晚饭，咁啱今日公司Course，都系嚟接我落堂。我哋唔再系十八廿二，唔敢挑战颇具名气嘅冻朱，太邪恶了开胃小食：盐香花生，好脆无油溢味。南乳炸猪手，炸得好香脆入味，咸度啱啱好，外皮脆口肉质嫩滑，本身好够酱油味，唔点南乳，净食已经好好味。一份大约5-6件，每一件都好多肉。啫啫通菜煲，通菜好新鲜翠绿，上枱后即刻倒酱汁「咋」~ 热辣辣！酱汁带有虾酱同腐乳味，同通菜简直系绝配。香蒜黄金虾，略为逊色，因为唔够味，虾肉弹牙新鲜又大只，但唔入味。值得大赞嘅位系满布咸蛋黄，而唔系沟淡咗咸蛋黄酱！每只虾外壳都食到咸蛋黄嘅咸香，和沙沙的口感，食到最后下面仲有大把咸蛋黄粒老公一路食一路话味道keep得到水准，清晒枱面所有𩠌，食到好饱好满足。我哋仲讲返十年前拍拖嘅开心事，结婚生BB之后，头几年无晒二人世界，唔再系男女朋友，用另一个身份再来食回忆别有一番滋味。