影片
更多
2022-06-27
1232 浏览
呢间系观塘工厦嘅cafe好温馨，系家庭式经营，老板一家好nice🥰🥰weekend囡囡仲会嚟帮下手，估唔到约10岁嘅小妹妹年纪轻轻已经好帮得手👍🏻仲有只🐱店长阿里驻场，身形极之巨型又肥嘟嘟，仲特别钟意爬上餐枱玩饮管，场面好搞笑🤣🤣呢度嘅餐牌有生酮友好嘅低糖低碳菜式，同埋平民版菜式，仲有生酮卷蛋，食物质素都唔错，开开心心又过一个下午😛😛香茅冬荫功猪扒炒椰菜花饭热辣辣上菜，椰菜花饭炒得干身爽口，落咗黄姜粉炒，真系有啲似食紧炒饭。猪扒唔算厚身不过肉质松化唔韧，香茅味好出，几惹味😋香煎鲜虾配青酱翠玉瓜面🍤有好多只，而且好新鲜口感好弹牙。翠玉瓜面幼身爽口，本身以为会好似食紧菜咁，不过因为落咗青酱，食落都有啲食紧意粉嘅感觉，不过再爽口啲，感觉无咁腻，夏天食好啱。伯爵茶生酮卷、抹茶生酮卷呢日嚟到生酮卷蛋已经卖晒🙈普通卷蛋都系得返少少，不过老板娘好好人地请咗我哋食一小件切剩嘅生酮卷蛋，两只茶味都好香，唔会太甜😋😋蛋糕质感比起平时邪恶嘅卷蛋干身啲，但因为中间有唔少打得轻盈唔太腻嘅茶味忌廉，整体都唔错👍🏻人均消费：$100推介指数（10分为满分）：8.5分Simp.lane观塘骏业里6号富利工业大厦11楼
香茅冬荫功猪扒炒椰菜花饭
热辣辣上菜，椰菜花饭炒得干身爽口，落咗黄姜粉炒，真系有啲似食紧炒饭。猪扒唔算厚身不过肉质松化唔韧，香茅味好出，几惹味😋
香煎鲜虾配青酱翠玉瓜面
🍤有好多只，而且好新鲜口感好弹牙。翠玉瓜面幼身爽口，本身以为会好似食紧菜咁，不过因为落咗青酱，食落都有啲食紧意粉嘅感觉，不过再爽口啲，感觉无咁腻，夏天食好啱。
伯爵茶生酮卷、抹茶生酮卷
呢日嚟到生酮卷蛋已经卖晒🙈普通卷蛋都系得返少少，不过老板娘好好人地请咗我哋食一小件切剩嘅生酮卷蛋，两只茶味都好香，唔会太甜😋😋蛋糕质感比起平时邪恶嘅卷蛋干身啲，但因为中间有唔少打得轻盈唔太腻嘅茶味忌廉，整体都唔错👍🏻
人均消费：$100
推介指数（10分为满分）：8.5分
Simp.lane
观塘骏业里6号富利工业大厦11楼C号舖
张贴
