影片
更多
2009-11-07
10 浏览
6-11-2009想试呢度好耐, 奈何每次经过佢唔系无开门就系无位, 呢日「下场」前终于同朋友嚟了. 大家都叫了 set dinner, 其中一份加了 $20 饮汤 (亦可选沙律) 兼食 dessert; 另一份就斋跟一杯餐饮.餐汤系 potato & leek soup (?), 质地有点稀, 味道较淡, 不过都饮/ 食到粗糙的薯肉, 算啦; garlic toast 薄薄一片, 几松脆, 不过我觉得唔够味, 感觉一般.主菜「西班牙红酒汁焗鸭胸伴薯角」属呢度「名物」, 鸭胸层皮焗得微㶶,「走咁 d油」之余又香脆, 而酒红色的肉就十分嫩滑 juicy, 带少少 smoked 味, 配上甜甜哋, 无乜酒香但带点果香的「红酒汁」, 又几好食 On the side 的薯仔亦唔马虎, 够香又几香口, 不过其他的 veggies 就 hea 了 d, 仲有我最憎的青红椒 餐饮拣了热咖啡 -- 几香,「斋」饮味道甘浓, 带点涩, 可幸酸度唔高; 落 full cream milk 及 brown sugar 后, 就当然易入口又滑了唔少, 都不错.唔饮咖啡的朋友饮热 (港式) 奶茶, 色
想试呢度好耐, 奈何每次经过佢唔系无开门就系无位, 呢日「下场」前终于同朋友嚟了. 大家都叫了 set dinner, 其中一份加了 $20 饮汤 (亦可选沙律) 兼食 dessert; 另一份就斋跟一杯餐饮.
餐汤系 potato & leek soup (?), 质地有点稀, 味道较淡, 不过都饮/ 食到粗糙的薯肉, 算啦; garlic toast 薄薄一片, 几松脆, 不过我觉得唔够味, 感觉一般.
主菜「西班牙红酒汁焗鸭胸伴薯角」属呢度「名物」, 鸭胸层皮焗得微㶶,「走咁 d油」之余又香脆, 而酒红色的肉就十分嫩滑 juicy, 带少少 smoked 味, 配上甜甜哋, 无乜酒香但带点果香的「红酒汁」, 又几好食 On the side 的薯仔亦唔马虎, 够香又几香口, 不过其他的 veggies 就 hea 了 d, 仲有我最憎的青红椒
餐饮拣了热咖啡 -- 几香,「斋」饮味道甘浓, 带点涩, 可幸酸度唔高; 落 full cream milk 及 brown sugar 后, 就当然易入口又滑了唔少, 都不错.
唔饮咖啡的朋友饮热 (港式) 奶茶, 色水好「茶」, 唔知好唔好饮?
甜品可选 apple crumble 或一 slice 自选蛋糕, 为免 apple crumble 要等搞到「下场」迟大到, 都系食饼柜内的 homemade 朱古力香蕉蛋糕算了, 估唔到又不错 -- 香蕉落得唔多, 食落亦唔多觉, 但蛋糕系好 moist, 朱古力味香浓, 甜度刚好, 不经不觉好快就「啄」晒了, 满足.
食物不错, 小店格局带点家庭式, 卫生就较差, 成餐饭都有苍蝇飞来飞去, 仲飞了落我杯水内 , 唯有唔饮吧; 两位女店员态度友善, 招呼就不错.
埋单每人约 $80, 唔贵, 虽然整体几港式, 但「名物」及蛋糕系几好食, 值得一试的.
张贴
