影片
更多
2016-09-18
898 浏览
缤纷维苑其实曾经光顾过一次，不过，已经喺好多年前嘅事，而且，仲喺星期日嚟食晏昼个自助午餐，夜晚都喺第一次到访。近排听友人嘅评价话唔错，又啱啱收到餐厅邀请，所以，专程走过嚟试试，睇吓喺咪咁有水准先。餐厅位于酒店2楼，环境简约，入门口左边喺全组落地大玻璃，夜晚嚟就唔及日头嚟感觉咁开扬，不过，由于楼底高，枱櫈编排阔落，所以，整体感觉依然舒服。顺便讲讲服务，碗碟收拾、食物补充都好到位，就好似自助餐去到9:30pm，但9:15pm都仲见厨师为食物补货，而啲侍应都礼貌、勤快。摆放食物主要喺晌开放式厨房对出嘅区域，够集中，唔使四围游。汤品、冻海鲜、冷盘、芝士、面包、沙律、刺身、汤粉面、热盘、甜品、自助饮品吧……等等大部份9自助餐食物都会有。星期一至日及假期成人划一收$428 + 10%（长者及小童收$328），部分信用卡仲有85折。餐酒推广餐厅正做紧美酒配佳肴为主题，所以，一系列红酒、白酒任饮推广，每位都只喺额外俾多$88，如果好餐酒嘅朋友真喺抵饮到极。而每晚3款红，3款白，红酒嚟自智利、法国及阿根廷，而白酒则嚟自智利、西班牙及澳洲等出名出产葡萄嘅地方，每只酒更有晒详细介绍。自助饮品吧如果唔饮酒嘅朋
餐厅位于酒店2楼，环境简约，入门口左边喺全组落地大玻璃，夜晚嚟就唔及日头嚟感觉咁开扬，不过，由于楼底高，枱櫈编排阔落，所以，整体感觉依然舒服。
顺便讲讲服务，碗碟收拾、食物补充都好到位，就好似自助餐去到9:30pm，但9:15pm都仲见厨师为食物补货，而啲侍应都礼貌、勤快。
摆放食物主要喺晌开放式厨房对出嘅区域，够集中，唔使四围游。汤品、冻海鲜、冷盘、芝士、面包、沙律、刺身、汤粉面、热盘、甜品、自助饮品吧……等等大部份9自助餐食物都会有。星期一至日及假期成人划一收$428 + 10%（长者及小童收$328），部分信用卡仲有85折。
餐酒推广餐厅正做紧美酒配佳肴为主题，所以，一系列红酒、白酒任饮推广，每位都只喺额外俾多$88，如果好餐酒嘅朋友真喺抵饮到极。而每晚3款红，3款白，红酒嚟自智利、法国及阿根廷，而白酒则嚟自智利、西班牙及澳洲等出名出产葡萄嘅地方，每只酒更有晒详细介绍。
自助饮品吧如果唔饮酒嘅朋友故然可以悭番依$88，但自助饮品吧仍有好几款选择提供俾你，是晚所见就有橙汁、西柚汁、苹果汁、咖啡机、红茶，较少见喺有部朱古力机，相信几啱啲细路仔心意。由于咖啡及朱古力都喺机冲，一冲就喺一杯，所以，如果想叹杯Mocha就要一次过饮两杯先得，哈哈！
生果沙律先上场第一碟喺惯例嘅沙律，不过，今次就唔配冷盘，而喺配生果。沙律吧喺比较弱嘅一环，共8款沙律或沙律配料，个人评价都喺普普通通货色，另有3款酱汁供配搭，所以一碟过乜都可以试晒，再拼三几款生果，纯粹开开胃。
席前烧烤除咗上述提及嘅食物、饮品外，另一亮点喺席前烧烤及每周精选粉面，前者有M5澳洲和牛、纽西兰羊架、法国鹅肝、美国烧蚝及印尼虎虾，即点即烧，要多要少，如何配搭，一切自决，随后由侍应送上；而后者则有白汁烟三文鱼意粉、龙虾汁蚬肉长通粉及叻沙汤面。
晌攞沙律时，顺便点埋个席前烧烤，食完个沙律就啱啱好送到。因为目标喺想试匀所有嘢，所以，烧烤就每样食材要一件。所有嘢都喺即点即烧，故然「新鲜」热辣，和牛富肉香，羊架膻香软腍，鹅肝配脆法包，油润甘香，烧蚝够大够厚肉，蚝味足，虎虾焦香爽口。
席前烧烤
21 浏览
0 赞好
0 留言
汤品中汤代表喺青红萝卜煲瘦肉，西汤就喺蕃茄浓汤；而面包篮有颇有多选择，共8款面包，但最窝心喺面包篮后有座大焗炉，可以将面包翻热，热辣辣嘅面包一定好食好多，牛油采用总统牌，另一用心细节位。
小弟要了个蕃茄浓汤，嘅蕃茄味酸香浓郁，好对办，而面包拣咗一个高纤麦包及一个竹炭包，烘热之后真喺好好食，前者烟韧而有麦香。
冻海鲜阵容就算无生蚝，都一啲都唔失礼，因为有波士顿龙虾、面包蟹、松叶蟹脚、加拿大翡翠螺、纽西兰蓝青口、熟海虾、去壳海虾，而且，成晚不时都保持货源充足，最正斗喺龙虾为开虾身同虾钳，想食膏连肉，就梗喺拣前者，怕胆固醇人士就当然拣后者好啲啦。
一大碟海鲜拼盘睇见都爽，小弟唔贪心，样样执啲。龙虾肉又爽又鲜，面包蟹膏多甘饴、肉质结实，长蟹脚咸鲜带海水味，翡翠螺大粒厚身、咬口好食，而两款海虾都鲜甜弹牙，当然，以去壳一款食得够爽啦，唔使拆壳啖啖肉！
冻海鲜
17 浏览
0 赞好
0 留言
食完鲜味嘢，再食啲浓味嘢， 冷盘及芝士类都称得上多选择。先讲冷盘，最抢眼就肯定喺只西班牙黑毛猪火腿，此外，仲有烟三文鱼、刁草三文鱼、熏鱼、冻切肠及烧牛肉。
至于芝士更多达7款，包括：法国嘅Port Salut Cheese、Walnuts Cheese、Le Camembert Cheese、Herbs Cheese、荷兰嘅Edam Cheese、瑞士嘅Emmental Cheese及丹麦嘅Blue Cheese，可以伴以克力架、饼干条、提子或蔬菜条同食。
上文讲过美酒配佳肴，就算你无打算加钱享用餐酒，大厨都特意安排两款酒嚟伴黑毛猪火腿及芝士，前者可夹雪莉酒，而后者不妨揾砵酒衬一衬，会有出人意表嘅效果，而两款酒都喺无限制随意享用。
而小弟嘅冷盘芝士拼盘，虽然砌出嚟个卖相唔喺咁靓仔，但样样食材有质素，就好似啲黑毛猪火腿，油润甘香，烧牛肉有肉香，而几款芝士各具特色，今期最爱喺Walnuts Cheese，好有合桃嘅香味，非常特吃。
冷盘、精选芝士
21 浏览
0 赞好
0 留言
刺身有三文鱼、鲷鱼、八爪鱼、北寄贝、带子粒、甜虾，而且切好晒放晌冻柜内，方便客人取用。虽然有影到相，亦打算会食，但坐坐吓真喺无为意唔记得食！
烤肉银车烤肉喺晌自助餐必见嘅食物，常有嘅喺西冷、肉眼，而晌度所见喺烧有骨牛肉，望落烧得好靓，旁边仲配埋烤南瓜、薯角、炒杂菌及猪肉肠，完全可以砌一碟烤肉主菜。
因为仲有热盘、甜品未食，所以，就麻烦师傅烧牛肉要薄切，啲牛肉烧到恰到好处，肉心保持粉嫩，口感软腍，又有肉香；其他配菜，烧南瓜及炒菌就最好食。
热盘一共有7样嘢搭两个饭：孜然羊肉/猪肉串、XO酱炒鲜鱿、菜胆鸡、咕噜肉、泰式烧猪颈肉、香草鸡翼、红酒烩牛肉、炒饭及白饭。好少会无蒸鱼，唔知喺咪期间转咗都无为意。
我就只拣几款心水嚟试试，两款肉串都好食，尤其羊肉串，孜然味啱啱平衡番啲羊膻，怕膻嘅人都可以放心食；菜胆鸡亦都正，鸡有鸡味，最紧要肉质入口嫩滑；烧猪颈肉好爽，而烩牛肉松化且有红酒香气。
甜点最尾一节，就喺饭后甜点，唔食就有啲唔安落，尤其有咁多甜点在眼前。要数一数，概略一望都有超过廿款，除咗放晒出嚟，有啲仲晌冻柜内，而且，大部份做得的的骰骰，当然顾及唔同人嘅口味，有啲喺颇大路嘅款式，如啫喱、豆腐花，但特色嘅亦有不少，有咩选择就唔详细逐样写出嚟，拣数款个人嘅心水再慢慢分享。
第一轮拎咗几粒迷你马卡龙、芒果慕丝蛋糕、拿破仑、朱古力饼、椰汁红豆糕、伯爵茶慕丝蛋糕、芒果布甸、迷你果挞。啲马卡龙做得唔错，外壳脆脆，咬落烟韧少甜；拿破仑喺加入合桃嘅怀旧版做法，酥皮松脆，奶油软滑；朱古力饼好香浓，而带点甘苦味；其他甜点都不俗，不过，伯爵茶慕丝蛋糕嘅茶味好淡，淡到唔似伯爵茶味。
小弟都算喺甜品死粉，食完第一轮仲有空间，当然要再下一城，第二朝喺迷你香蕉班戟配Häagen-Dazs雪糕（士多啤梨及朱古力口味），班戟虽然喺预制，但效果都算OK，少忌廉而满满蕉肉，至于雪糕，HD点都喺一个保证，尤其士多啤梨口味，内里加入果肉，宁舍好食。
怀旧零食晌自助饮品吧旁，摆放咗一啲本土经典怀旧零食，有可乐软糖、嘉应子、史蜜夫软糖、牛奶糖、花生朱古力豆、山渣饼、珍宝珠、熊仔糖，如果你喺80前，应该一啲都唔陌生。
冻海鲜及席前烧烤都喺回本之选；如果喜欢食芝士嘅朋友，又可以一次过试上咁多款式；好餐酒嘅朋友，额外加钱，就更喺划算到不得了。所以，缤纷维苑嘅性价比不俗，觉得喺沧海遗珠呀！
张贴
