泰式食

营业中

休息中

上网见到铜锣湾有间食泰国嘢，噉见到个装修好特别，于是就去食下。去到果然见到个装修系唔错嘅，因为佢有个泰国嘅笃笃车摆咗喺个门口𠮶度，畀人个感觉好似置身于泰国噉样啦。食物方面我觉得最好食嘅就系𠮶个串烧啊，噉我哋点咗猪同埋鸡串烧啦，串烧最紧要就系𠮶个酱汁啊，噉佢𠮶个沙爹酱，的而且确系有，好浓烈嘅沙爹同埋花生味嘅，噉我哋哩叫咗啲饭，噉用𠮶啲沙爹酱捞饭再加埋个串烧系唔错嘅。另外一样嘢值得推介嘅就系咖喱鲜果大虾，噉佢𠮶大虾都几弹牙，有口感嘅，另外佢加咗d鲜果落去，变咗𠮶个咖喱酸酸甜甜噉，呢个配搭系几特别嘅。坐嘅位置方面因为我哋早嚟啊，噉我哋两个人可以坐张四人枱，仲要系窗口位，间餐厅12点钟开，我哋12点15分已经到喇。