豐味窯雞

营业中

休息中

今日阿妈话表姐过嚟食饭，叫我斩料加𩠌，烧腊嘢食到厌，好在同事介绍话观塘工业区楼上舖，有间丰味窑鸡外卖店，主打窑鸡、川式口水鸡和葱香鸡，店内窑鸡极之美味，因为系即日分段新鲜焗制，系限量发售，最好打电话预订先去拎。窑鸡刚刚热辣辣出炉，鸡只用咗两层锡纸包住焗成，客人提取时再用保温袋袋住，拎到返屋企仲系保持到温度，戴上店家附送嘅手套，打开锡纸，大大只丰味窑鸡就在眼前，除咗有丰富嘅肉汁，仲闻到香喷喷嘅味道，鸡肉非常嫩滑，可以用剪刀剪，又或者可以手撕，见到鸡的肚内放有洋葱和调味酱汁，令到鸡肉食落好入味。