木玥巷

营业中

休息中

传闻屯门有间台湾菜不错，立即去到朝圣一下。餐厅装修好和谐好舒服，服务员十分帮助，知道我带两个小朋友黎一齐食饭，都主动提供小朋友餐具同水比我哋。去到餐厅梗系要食安格斯的卤肉饭，果然名不虚传牛肉卤得十分之入味，好淋而且好有牛肉香味。之后叫咗杯木玥黄金水果茶，估唔到咁大杯。嚟到嘅时候都吓咗一跳。另一杯珍珠奶茶就显得迷你版本，但茶香同黑糖珍珠超好味。之后仲叫咗三星葱饼这是十分好味的特色小食。建议一定要嗌。而另一个小食，就系金钻凤梨虾球，佢啲虾，超大只。原来系用咗虎虾嚟做，啖啖肉超好味。另外亦都加上台湾最出名的爱玉珍珠甜品。完美完结整个晚上。幸福感满满。