唐記包點 (港鐵太子站)

营业中

休息中

今日出太子去表姐屋企，出地铁闸口时闻到阵阵香味，原来是唐记包点传出来的香味，所以决定买少少野食上表姐家一同分享。餐牌清晰易睇，点心又多款又方便，岩晒外卖。买了一袋，好野，之后跟表姐当午餐一齐食。买了很多食物，有包、饭、点心。款款都热辣辣，又滋味。包买了两个，一款是麻蓉包，入面超多馅料，甜甜的又香，好好味。另一款买了奶黄包，奶黄包一向都冇得输，好好味，又多馅又creamy，好强蛋黄奶味，正。点心买了三款，分别有凤爪、鸡扎、烧卖呢d都系港人至爱的点心最欣赏可以外带，坐系屋企都食到茶楼既点心，好正又好爽凤爪好好味，而且又好多只，仲抵过系酒楼食，而且味道好惹味，令人愈食愈想食的。鸡扎有两件，大大件，入面有好多料，有鸡、猪肚、棉花、菇，材料十足。烧卖都好滋味，啖啖肉。我仲买了一款新既饭，买了卤蛋卤肉饭，好滋味的。而且𩠌跟饭都分开放的，不用怕饭会被𩠌汁整淋。有好多卤肉碎，味道调得好好，好有台式风味，用来佐饭是一流呀。白饭跟𩠌的份量一点都不少，好抵食。