阿來泰式地道風味 (已結業)

今次去到长沙湾嘅新开嘅《阿来泰式地道风味》，之前分店试过都几好食，就帮衬下先。餐厅午市时间已经非常爆满，餐厅门口非常方便可以泊车，等左唔够五分钟就有位。午市套餐都非常多选择，还有全日套餐同埋汤粉面套餐，餐牌上仲有多款散叫食物。首先我们先叫一个「生虾刺身」有八只，配以一碟泰式辣酱，生虾口感爽口弹牙，非常新鲜。套餐方面叫咗「香辣肉碎煎蛋伴白饭」，卖相非常吸引，碎肉有少少辣，配以一粒粒嘅辣椒、豆同埋煎蛋，食落去好滋味，味道刚刚好。套餐配以一杯饮品，加两蚊就要左杯「冻柠茶」，冻柠茶带一点苦涩，茶味浓郁。另外再叫咗一个椰青。最后都未够喉，叫咗一个「马拉盏炒通菜」，通菜非常入味，食落去爽口新鲜。食咗咁多野，最后都只系$200左右埋单，食物有正宗泰式味道，值得一试。