泰閣 (已結業)

今晚又去食泰国嘢，呢次拣咗油麻地CASA酒店一楼嘅泰阁。装修别具泰国特色，宽敞雅致，又有街景，坐得舒适。打开menu，选择多多，天口咁热，就嚟个金柚子虾球沙律醒醒胃先。好足料，虾球爽口弹牙，柚子酸酸甜甜，好味。跟住上嘅系冬荫公海鲜笼尖粉，所谓笼尖粉同米线差唔多样，酸酸辣辣，非常惹味，配料有青口、虾、鱿鱼同鱼块，份量足，水准之作。再上个青咖喱鸭胸，食咖喱梗系要配个饭喇。青咖喱椰浆较多，味道偏甜，但都算可口滋味。两条友叫咗三款食物，埋单约300蚊，唔讲得话抵食，不过以食物水准同环境嚟讲，可以接受。