樓下冰室 (已結業)

之前成日听朋友讲路德围有一间食瑞士汁鸡翼好好食嘅冰室，路德围咁多嘢食，呢日我都系听朋友嘅推介去咗依间楼下冰室食午餐😆铺面装修都走怀旧风，座位大部分都系沙发，坐得舒服😆午餐都好好多款可以拣，有饭有面有沙律，男嘅想食饱啲又得，女嘅想食轻型啲都可以！而饮品跟餐配都系半价。嘢饮方面叫咗冻柠乐同埋阿华田脆脆🍹阿华田非常之浓郁，唔会话入边加咗好多糖水，同埋面头嘅脆脆用咗喺底之后又有啲口感，感觉几特别。我哋叫咗一个咖喱牛腩饭餐同埋一个吉列猪扒配沙律餐。店员提醒我要食块多士先，因为冻咗就唔好食，果然系烘得好脆口！不得不提佢嘅猪扒系非常之嫩滑，加上系即炸嘅，热辣辣新鲜送上！配上嘅沙律系薯仔杂果沙律，入面用嘅并唔系全部都系罐头水果，而系有新鲜苹果，再加上薯仔有少少咬口，冇煮到好淋，依家好少茶餐厅或者冰室仲有新鲜水果嘅沙律食👍🏻🤩食咁多肉所以都想食返少少菜，所以就叫咗个芝士焗西兰花🥦碟野嘅份量都几多，怀疑足足有成个西兰花，加上佢啲芝士并唔系好油腻，配上菜度焗啱啱好，推荐大家可以叫依个小食！另外佢嘅必食瑞士鸡翼都系非常入味，而且好大只，肉质鲜嫩，配饭一流！又系另一推荐！