影片
更多
2022-12-14
106 浏览
话说我系成日去淘大花园，近日见到有间新嘅西式轻餐厅开咗，呢间餐厅设计时尚清新，而且提供嘅食物种类多元，成个感觉都好吸引呀！虽然今日只系平日夜晚，而餐厅面积都唔细，但竟然多人到要等位。而佢嘅点餐系用QR code，等客人可以一边睇餐牌一边自助下单，而且都会有支水提供俾你饮用，细节位加分。今次我哋自两个人有啲肚饿，于是叫咗两个主食加一个pizza:鱼籽三文鱼蛋炒饭 ($60): 主厨推介菜式。炒饭底好香好足料，加上每啖都有满满嘅鱼籽包裹住，食落去口感超级丰富，简直滋味无穷啊！龙虾汤海鲜饭 ($72): 天气冻冻地当然叫下啲热食啦，龙虾汤海鲜饭简直系一流嘅选择啊！除咗汤头浓郁(但唔会过咸)之外，仲有配搭唔同嘅海鲜款式，味道鲜甜直程会饮晒啲汤呀！烟三文鱼火箭菜比萨 ($65): 呢个pizza价钱合理但系质素好过出边西餐厅好多。Pizza新鲜出炉焗到金黄色面，咬落去亦都脆卜卜，而且馅料多到要小心就住食。对于钟意食西餐之人嚟讲简直系必点啦！小插曲: 我离开餐厅之后撞到个朋友，佢话虽然餐厅开业冇耐但已经食咗三次，仲话又抵食又好食。佢就好推介呢间餐厅嘅扒，话水准有得媲美专业嘅锯扒餐厅，下次一定会试！
虽然今日只系平日夜晚，而餐厅面积都唔细，但竟然多人到要等位。
而佢嘅点餐系用QR code，等客人可以一边睇餐牌一边自助下单，而且都会有支水提供俾你饮用，细节位加分。
今次我哋自两个人有啲肚饿，于是叫咗两个主食加一个pizza:
鱼籽三文鱼蛋炒饭 ($60): 主厨推介菜式。炒饭底好香好足料，加上每啖都有满满嘅鱼籽包裹住，食落去口感超级丰富，简直滋味无穷啊！
龙虾汤海鲜饭 ($72): 天气冻冻地当然叫下啲热食啦，龙虾汤海鲜饭简直系一流嘅选择啊！除咗汤头浓郁(但唔会过咸)之外，仲有配搭唔同嘅海鲜款式，味道鲜甜直程会饮晒啲汤呀！
烟三文鱼火箭菜比萨 ($65): 呢个pizza价钱合理但系质素好过出边西餐厅好多。Pizza新鲜出炉焗到金黄色面，咬落去亦都脆卜卜，而且馅料多到要小心就住食。对于钟意食西餐之人嚟讲简直系必点啦！
小插曲: 我离开餐厅之后撞到个朋友，佢话虽然餐厅开业冇耐但已经食咗三次，仲话又抵食又好食。佢就好推介呢间餐厅嘅扒，话水准有得媲美专业嘅锯扒餐厅，下次一定会试！
张贴
