博多拉麵別天神 (已結業)

工作关系好耐无放假去日本，唯有系香港食住拉面顶顶瘾先！虽然香港食拉面真系好多选择，但真系唔系间间ok，今晚试左间朋友推荐，香港都有唔同分店既别天神拉面。店内可以选择既款式唔多，得两款汤底，猪骨同虾味噌，所以我地各点一款套餐试下。套餐指拉面+一款小食。我点小食拣左龙虾沙律同饺子各一。龙虾沙律本不抱太大期望，但意外地好味，同平日食既「行货」的确有分别，特别系用料部分，食到啖啖龙虾肉，配埋蟹籽，好有口感。煎饺子饺子都煎到几香脆，咬落都有肉汁流出，不过略嫌有点味精感。猪骨汤底拉面每款拉面都配两粒溏沁蛋，煮到细入味同溏沁😋😋而呢间拉面店选用既拉面系直面，朋友大爱，我反而喜欢食曲面。汤面有唔同配料，例如葱花、木耳同叉烧。叉烧可以烧得再香口少少，汤底略嫌唔够浓。龙虾汤底拉面同样地系有两粒超级好味溏沁蛋，配料同猪骨有少少唔同，照旧有叉烧，无左木耳但多左樱花虾米同粟米，汤底味道比猪骨浓，带鲜味，个人比较喜欢龙虾汤底。