大統領

营业中

休息中

粉岭除咗d商场餐厅外，行去联和墟果边都有唔少好野食。今日lunch食咗咖哩吉列猪扒饭，配面豉汤，前菜(中华沙律)，水果(蜜瓜)。几钟意呢度嘅咖哩，甜甜地，带有少少辣味，倒满半盘，捞饭超正。吉列猪扒好大块，外面脆卜卜，内里松软，肉汁丰富。上面仲有蛋丝，紫菜丝同芝麻粒，每啖食入口都非常滋味。面豉汤落咗蚬去煮，有股鲜甜嘅味道。中华沙律同蜜瓜为咖哩饭锦上添花。不过侍应大婶做野麻麻地，招呼唔够妥当，如果改善下，应该可以再吸引多d人去食。