影片
更多
2017-08-07
2056 浏览
朋友知道我钟意食蟹，今晚特登约我去食好嘢，话我一定会钟意。餐厅装修好简约，好舒服，我地点咗Holy Crab One ，好吸引，好抵食，一于同朋友试吓。先有六小钵，有海盐枝豆，酸辣罗勒海蚬，虎虾配芒果慕斯，柚子醋海藻沙律，蟹子日式冻豆腐，蟹肉玉子烧。好特别用个木盘装住，望落去样样都好食。个酸辣罗勒海蚬几清新，酸酸地辣辣地好惹味。不过我最钟意蟹玉肉子烧最正，有蟹肉嘅鲜味，又有蛋香，好食。虎虾配芒果慕斯，虎虾好爽，配埋芒果汁，好消暑嘅小食。芝士蟹肉酿蟹盖 （配三文鱼子，白饭鱼干片），热辣辣，面头焗到金黄色，里面系啖啖芝士蟹肉，仲有惹味嘅洋葱，好脆卜卜嘅白饭鱼片，趁热食，好滋味。蟹肉芬奴意式烤面包，一碟两件，多士烤到好脆，上面有劲多蟹肉，配菜仲有火箭菜同蟹子，蟹肉又有鲜味，朋友劲爱。海鲜膏蟹拼盘（配香草牛油汁），有帆立贝，大蚬，青口，海虾，鱿鱼，仲有粟米，红萝卜，小椰菜，真系好丰富，先食个蟹，蟹盖好多蟹膏，啱晒我胃口，而蟹身又啖啖肉，食晒佢都饱晒，大蚬都好好食，好大粒，D肉又嫩，加埋个香草牛油汁，劲满足。个餐仲有甜品抹茶布甸，茶味好浓，又唔会好甜，好好食。Holy Crab One 个餐好抵
先有六小钵，有海盐枝豆，酸辣罗勒海蚬，虎虾配芒果慕斯，柚子醋海藻沙律，蟹子日式冻豆腐，蟹肉玉子烧。好特别用个木盘装住，望落去样样都好食。个酸辣罗勒海蚬几清新，酸酸地辣辣地好惹味。不过我最钟意蟹玉肉子烧最正，有蟹肉嘅鲜味，又有蛋香，好食。虎虾配芒果慕斯，虎虾好爽，配埋芒果汁，好消暑嘅小食。
芝士蟹肉酿蟹盖 （配三文鱼子，白饭鱼干片），热辣辣，面头焗到金黄色，里面系啖啖芝士蟹肉，仲有惹味嘅洋葱，好脆卜卜嘅白饭鱼片，趁热食，好滋味。
蟹肉芬奴意式烤面包，一碟两件，多士烤到好脆，上面有劲多蟹肉，配菜仲有火箭菜同蟹子，蟹肉又有鲜味，朋友劲爱。
海鲜膏蟹拼盘（配香草牛油汁），有帆立贝，大蚬，青口，海虾，鱿鱼，仲有粟米，红萝卜，小椰菜，真系好丰富，先食个蟹，蟹盖好多蟹膏，啱晒我胃口，而蟹身又啖啖肉，食晒佢都饱晒，大蚬都好好食，好大粒，D肉又嫩，加埋个香草牛油汁，劲满足。
个餐仲有甜品抹茶布甸，茶味好浓，又唔会好甜，好好食。
Holy Crab One 个餐好抵食，另外佢仲有个Holy Crab Two 都好吸引，谂住下个礼拜再同朋友离试埋佢。
张贴
