金蘭花泰國菜館

营业中

休息中

而家疫情虽然仲未完，但放假都真系想出外走走，于是出左去黄大仙揾男朋友行街，夜晚再去九龙城食泰菜，九龙城食泰菜既舖真系有好多选择，最后男朋友带左我去呢间金兰花食，因为佢之前食过觉得几好食。一坐低，男朋友已经order一客蒜蓉法国面包，之后再叫一客干炒贵刁同烧牛肉。蒜蓉法国面包好好食，金黄色好香，外脆内软，热辣辣脆卜卜，份量仲好多而且大件; 干炒贵刁，真系干炒，唔会炒到油淋淋，味道亦几好味，蔬菜都炒得好好，唔会炒到淋晒; 烧牛肉，呢度既牛肉系烧得啱啱好，唔会烧到过熟令到牛肉鞋口，佢系烧到仲有好靓既粉红色但又唔会有血水，而且份量真系好多，好抵食，我地两个人食三碟𩠌都已经食到好饱好满足。