茶房別天神

营业中

休息中

今日系太古同屋企人行街，行到晚饭时间，就入咗依间拉面店食野。我地叫左一个套餐之后再外加一碗拉面。首先黎左小龙虾沙律，外形美观特别。味道方面，小龙虾味道清香，加上其他沙律配料令味道多变但又唔会杂乱。沙律整体感觉入口清香，令人开胃。呢个沙律仲附有紫菜，用紫菜包裹住沙律，外层香脆嘅紫菜令口感唔同，更具层次。拉面方面，我哋有豚骨汤面同虾味噌豚骨拉面两款。豚骨汤面汤底浓郁，未饮已闻到豚肉嘅鲜味，饮落虽然香浓但唔肥腻。别天神系黎自九州既拉面店，所以面嘅粗幼偏向幼面，硬度适中。面吸收咗汤底浓郁嘅香味，令人一吃再吃。豚肉选用半肥瘦，有油香之余唔会太腻，香味十足。配料就有黑木耳， 葱同紫菜，令成碗面味道同口感进一步提升。至于虾味噌豚骨汤面汤底除咗豚肉味之外，虾味都非常出众，唔会比豚肉味掩盖，好鲜味。配料就有粟米，葱，柴菜同樱花虾干，进一步带出虾味。我哋仲有一份饺子。饺子外皮煎得啱啱好，香脆但唔会过焦，而且够薄皮，唔会成口面粉。饺子入面嘅猪肉馅料香味扑鼻，流出淡淡鲜香肉汁。加咗少少酱油，用咸味更加带出猪肉油香。其实别天神仲有唔少分店系香港，大家可以去食下。