滿記甜品 (已搬遷) 新店位置

黎开食海鲜梗系要食埋个甜品先走人o既...拣满记系惯性动作冇计啦...地点开得咁方便...食完行过黎就有得食食食下仲可以call定的士...边食边等杨枝甘露 士多啤梨沙冰 芒果糯米糍 芒果pancake当然唔洗讲...绝对系首选但次次都食...今次大家话转一转口味㖞杨枝甘露浓淡度适中...唔会太水都几香浓幼滑...酸甜味都算o岩o岩好但系口味o既野又好难讲...每人追求o既都唔同有d人钟意酸...有d人钟意苦苦地...有d人只想要甜不过其实遇到o既杨枝甘露通常都好极端...一系好差一系好好只要唔太差...多数都收货士多啤梨沙冰唔系想像中咁...估唔到佢全杯系偏红色o既因为惯左饮西贡另一间甜品店o既style...一睇有少少担心o个间系粉红色...而且d冰好滑好软...几特别嫁呢度就用大冰打碎...入口仲有好多碎冰feel你知只用冰打...好易好淡好水...最怕似药水味个味都算系咁嫁啦...唔太甜有酸味...唔太假因为都加左好多士多啤梨去打...食落都好多士多啤梨纤维芒果糯米糍质素几好...难怪都咁多人钟意糯米皮韧度十足得来又够软绵...咬落又弹牙对我黎讲系厚左d啰...但有人话钟