雲長小龍坎老火鍋 (已結業)

这晚去到尖沙咀君怡酒店内的中高档火锅云长小龙坎老火锅吃晚饭。由于餐厅位处酒店内，都坐得几舒适，侍应亦都好友善，会同我地吹下水。餐厅提供嘅主要汤底包括麻辣、芫荽皮蛋、药膳、蕃茄，我哋拣咗麻辣茄蕃茄鸳鸯锅。汤底嘅味道都唔错，麻辣嘅汤底系小辣，对于我来讲辣度适中，蕃茄汤底味道鲜甜，又带点酸，几开胃。火锅配料嘅选择都唔少，而且每款嘅味道都唔错又新鲜，价钱属于中高档，所以配料嘅质素都唔差。佢哋嘅虾滑非常非常弹牙，韭菜饺亦非常好味，谷饲黑豚肉肥瘦适中，鸭血劲好食，功夫土豆片劲薄，系火锅最佳拍挡，即炸鱼皮新鲜即炸劲脆，薯粉爽滑弹牙。在Facebook打完卡仲有豆沙锅饼或红糖糍粑𩠌，份量好多，味道唔错。另外加$99就可以买到一人份海鲜拼盘，有大大只爽口大虾、活鲍鱼（上枱后仲识郁㗎 ！ ），同埋有几个贝壳类，每一只都大大只，冇沙，好新鲜。两个人食以上咁多野都食到非常饱，卖单八百几蚊，价钱已包加一和酱油茶钱。