味道樂居酒屋 (元州街) (已結業)

长沙湾一向多美食，居酒屋都有唔少，每逢想吃烧鱼就会来呢度。一坐低二话不说立即叫我嘅至爱💯烧油甘鱼饺💯油分重嘅油甘鱼烧过真系特别香，鱼油还会随著嫩滑的鱼肉慢慢渗进舌尖，加两滴柠檬汁更显鲜味！火炙北海道帆立贝蟹膏卷又系另一名物！清新嘅青瓜丝饭卷上放上鲜甜美味的贝肉，再来点葱丝蟹膏，香气扑鼻，卖相同味道都兼顾！烟肉樱花虾炒饭呢种配搭都几新颖，除咗可以充分感受到烟肉嘅咸香之外，樱花虾嘅香味隐隐约约飘散着，都几夹呀！重头戏一定系原条成田酱炭火烧鳗鱼饭，鳗鱼一整条上，咁先有气势！鳗鱼够晒大条，成只手臂咁长😍仲要好厚身，啖啖肉软绵绵，好食到晕低呀！配埋鳗鱼汁饭，立即元气满满！