啖啖肉

营业中

休息中

葵广一向都系扫街天堂，亦都系我嘅扫街首选😚，佢嘅热闹程度绝对同台湾嘅夜市有得比。无论系粥粉面饭，定系串烧饮品，葵广应有尽有😎。。今日再次嚟到葵广医肚，照旧例牌嚟到2楼潮流廊，发现开咗一间新舖，系食韩式炸鸡嘅，佢主打韩式炸鸡Crossover美式Fish N‘ Chips，睇卖相都几吸引，一于就佢啦😂。。个店主都几Young，同佢倾咗两句，原来佢系由前米芝莲餐厅厨师，咁后生就出嚟创业，认真唔话得🙈。。我叫咗三款口味，分别系蜂蜜脆脆、水牛城同埋黑松露酱。味道先唔讲，首先个炸鸡嘅口感真系冇得顶❤️，口感非常之爽脆，而且佢个炸皮非常薄，又薄又脆，咬落口入边个鸡依然Juice，简直外脆内软🤩。佢嘅粉浆同外面嘅炸鸡店非常之唔同，唔觉有油腻感😋，而目薄到如果唔系食到卜卜声嘅，都唔知道原来裹咗层粉浆😂。。而味道方面亦都好出色，三种味道都唔错，蜂蜜嘅甜而不腻，水牛城嘅惹味，黑松露嘅香口我都好钟意☺️。而当中，我特别钟意蜂蜜脆脆😝，佢除咗有蜂蜜嘅甜味之外，仲有辣根嘅味，少少辣少少甜，味道好有层次，好有惊喜❤️。