皇室冰廳 (已結業)

仲记得细细个𠮶阵，屋企楼下就系冰室，差唔多每一日朝头早就会同屋企人一齐喺冰室食早餐，跟住就快靓正咁食完去返学，好方便！🤩今日都专诚嚟到呢间皇室冰室去感受返细个嘅风味先😊餐厅环境依然保持香港独有嘅冰室风味！简约但系好干净同埋好卫生，呢个系有质素嘅冰室需要有嘅条件😉叫咗呢份皇室公司三文治配薯角，有四份大大件嘅三文治！而且摆盘相当有特色！有三层嘅面包，有火腿有蛋有芝士有菜，口感非常丰富！基本上一啖摆晒落口嘅话会有种好丰富同埋好有层次感嘅味道🤩🤩薯哥真系比一般嘅薯条好食好多，呢度嘅薯角唔会好热气，而且全部都系好粗嘅薯条，食得好过瘾🤩之后仲叫咗杯热奶茶，细细个成日想饮奶茶，但系屋企人都唔俾饮，到大个啲嘅时候因为想扮大人支饮奶茶，到而家就明白原来大人饮奶茶系饮紧𠮶种感觉🤩