龍圖閣海鮮飯店

营业中

休息中

今晚同屋企人去到尖沙咀食饭。餐厅用屏风间开，座位宽敞。🌸话梅凉瓜很少见到用凉瓜做小食，凉瓜爽脆，话梅汁的甜味中和凉瓜的味道。🌸铁板沙姜鸡上枱时喷晒烟，热辣辣，沙姜味很香浓。平时食沙姜鸡，有时会觉得过咸，但呢个鸡冇过咸，味道适中，鸡肉即使焗过皮都仲香脆，肉质弹牙唔干身。🌸百花马友咸鱼虾胶煎肉饼肉饼薄身脆口，但材料丰富，有咸鱼的咸香、猪肉粒唔腻口和虾胶唔松散。🌸鲜淮山百合炒胜瓜淮山爽口唔会黏口，百合脆口微甜，胜瓜爽脆鲜甜，仲有红黄椒点缀。🌸香煎琵琶豆腐豆腐炸至金黄色，外脆内有薄薄的豆腐和虾胶，口感软腍。最后食埋南瓜西米露，质地虽然稀，但系南瓜味极浓，西米软身。