人和月雞煲火鍋店 (已結業)

今日同友人庆祝生日，有朋友介绍人和月鸡煲，地点方便，响正海防道，地方又企理干净，所以就去试下。入到餐厅，客人唔算多，地方细细但十分企理阔落。侍应哥哥态度好好，招呼完坐底就介绍下有咩食，问我地食咩，其实黎之前已经决定左想食韩式芝士鸡煲。等紧个煲上既时候就睇下出面有咩拣，雪柜有四款自家制饮品，我地试左两款，洛神花同玫瑰茉莉，两款都似乎系无糖饮品，十分健康。另外有荔枝同凤梨乌龙茶，呢啲就会甜甜地，都好好饮，另外仲有汽水同啤酒饮。酱料吧都好整齐，该有既都齐备。自己夹既食物并不太多，全部有盖冚好，其他就用QR code落单。韩式芝士鸡煲上枱，满满芝士见到都流口水🤤隔一阵侍应就提我哋要搞一搞个煲，一搞芝士就融化哂，啲鸡包满甜甜辣辣既芝士酱，真系超级好味。我哋不停叫自己食慢啲，惊食太快会饱哂，但实在食到停唔到口，眨眼就食哂。食完之后唔驶叫侍应就自动黎问要咩火锅汤底，我地拣左沙嗲汤底，好香沙嗲味但唔会好油。牛肉亦一早上枱，总共有5款牛，我比较喜欢牛板腱，好香肉味，雪花肥牛亦唔算好肥，岩哂我，比较特别系牛胸爽，好少见，咬落好似肥猪肉，但朋友话好重肉味，好正。另外仲有其他火锅食品，要赞响铃好好食，系比较厚