欣圖軒 (已結業)

同友人庆祝生日，去咗尖咀洲际酒店中餐厅欣图轩，系米芝莲二星餐厅，Kiwi我大出血，二人食咗千八蚊🙈不过，都系果句，最紧要好食！龙带玉梨香-好特别！估唔到带子、虾同梨可以整成一道菜式。卖相整得好靓，好似马卡龙咁，玻璃纸放系底令到粒带子外表七彩颜色🌈而食落好有层次感，味道清新，带子同虾味道鲜甜。焗酿鲜蟹盖-店员悉心介绍菜式，仲帮我地加喼汁减少油腻感。个面炸得好香脆，一笃开阵阵蟹香味流出，入面有啖啖蟹肉混合啲cream，好正🤤至于其余嘅有脆皮龙岗鸡，桂花瑶柱炒花胶丝同樱花虾八宝焗饭，味道都唔错但比起首两道菜就相对失色。除咗美食仲有维港美景