Master Kama (已結業)

龙虾包~近期大热既美食之一，无论系日本同香港龙虾都系大热。今日去咗位处铜锣湾闹市既龙虾.石锅专家<Master Kama>食晚饭。上到去，环境比人一种好舒服，好和谐ge感觉，几有海鲜餐厅既feel。餐厅俾人一种航海嘅感觉用咗格仔来做墙壁，影相亦都系一流。店员会话俾我哋知点样嘅食法，服务态度不错。亦都会有沙发位同埋小枕头，令人觉得好舒服同放松。与朋友2人叫了一个 龙虾汇KAMA SIGNATURE LOBSTER SET 同一杯SNOW QUEEN。KAMA SIGNATURE LOBSTER SET.主要包括龙虾包(旁边配薯条,沙律)+半只焗蒜蓉龙虾+龙虾什锦海鲜石锅汤乌冬/饭.价钱大约＄428 ，铺餐来讲包含咗沙律，包，饭同龙虾咁多唔同嘅玩法都几抵食。我地选咗龙虾什锦海鲜石锅饭,石锅饭非常丰富,大大只龙虾伏系石锅旁边,仲有d青口等海鲜,汤呈橙红色,一睇就知非常浓味.虽然只系龙虾头喺旁边做摆设，但系全个饭都充满着香浓嘅龙虾味。饭入口口感似食意大利饭,汤汁海鲜味浓郁,米饭软糯有咬口,有龙虾味。果然冇拣错，出边食意大利饭价钱都唔平，呢度有埋龙虾汁，整成嘅拌饭，非常之有水准。