影片
更多
2023-02-23
82 浏览
今日嚟湾仔做嘢，收工唔想煮饭，打算喺附近买埋外卖先返屋企。有人话想食泰菜，上网 Search 到石水渠街有间「新尝泰泰国餐厅」，据说店舖系由泰籍厨师主理，水准稳定，而且菜式繁多，一于试下。餐厅嘅设计好有特色，以色彩缤纷嘅彩绘墙及绳制吊灯作点缀，配上胡桃木色桌子同室内嘅摆设，装潢充满泰国风情！点咗三个𩠌，另外再加咗炒饭同炒粉，全部都即点即做，拎到返屋企仍然热辣辣。曼谷海南鸡 ($98)，估唔到半只嘅份量都唔少，鸡皮油亮滑润，肉身紧实鲜美，鸡味亦很浓郁，加上已全部去骨，非常方便享用，配上泰式酱汁，味道超正！卤汁软皮猪手 ($88) 猪手卤得好入味，肉质软硬适中，有口感得嚟又唔会太稔，卤汁味道亦啱啱好，不太咸，连皮食，啖啖骨胶原，味道一流。泰式烧猪颈肉 ($95) 呢个真系必叫！猪颈肉烧到好香又唔㶶，外皮少少焦脆，肉质肥瘦均匀，爽口带稔滑，蘸点酱汁食，更添滋味。干炒海鲜肥粉 ($92) 呢个肥粉坚多料，有大虾、青口、鱿鱼同芥兰等。肥粉炒得好香口，外表晶莹剔透，入口爽滑有韧劲，油而不腻，非常美味。另外盒菠萝海鲜炒饭 ($108) 用料亦唔手软，海鲜份量十足，大虾爽弹、鱿鱼鲜甜。米饭炒得够
有人话想食泰菜，上网 Search 到石水渠街有间「新尝泰泰国餐厅」，据说店舖系由泰籍厨师主理，水准稳定，而且菜式繁多，一于试下。
餐厅嘅设计好有特色，以色彩缤纷嘅彩绘墙及绳制吊灯作点缀，配上胡桃木色桌子同室内嘅摆设，装潢充满泰国风情！
点咗三个𩠌，另外再加咗炒饭同炒粉，全部都即点即做，拎到返屋企仍然热辣辣。
曼谷海南鸡 ($98)，估唔到半只嘅份量都唔少，鸡皮油亮滑润，肉身紧实鲜美，鸡味亦很浓郁，加上已全部去骨，非常方便享用，配上泰式酱汁，味道超正！
卤汁软皮猪手 ($88) 猪手卤得好入味，肉质软硬适中，有口感得嚟又唔会太稔，卤汁味道亦啱啱好，不太咸，连皮食，啖啖骨胶原，味道一流。
泰式烧猪颈肉 ($95) 呢个真系必叫！猪颈肉烧到好香又唔㶶，外皮少少焦脆，肉质肥瘦均匀，爽口带稔滑，蘸点酱汁食，更添滋味。
干炒海鲜肥粉 ($92) 呢个肥粉坚多料，有大虾、青口、鱿鱼同芥兰等。肥粉炒得好香口，外表晶莹剔透，入口爽滑有韧劲，油而不腻，非常美味。
另外盒菠萝海鲜炒饭 ($108) 用料亦唔手软，海鲜份量十足，大虾爽弹、鱿鱼鲜甜。米饭炒得够干身，粒粒分明。烧过的菠萝特别甜美多汁，加上肉松同腰果，口感超丰富。
张贴
