媽咪隨意屋 (已結業)

今日同朋友嚟到长沙湾呢边行街， 顺便食埋晚饭 ，好近站嘅元州商场，入面有好多选择，最后决定咗食妈咪随意屋， 因为畀佢嘅餐厅设计吸引咗！设计好靓，坐得好舒服， 又阔落，好写意！我点咗一个泰式金边粉，卖相好靓，红红橙橙，绿绿地嘅装饰，成个感觉好fresh， 有三只大虾球同埋豆腐 ，仲有少少花生碎同埋青柠 ，可以加青柠汁落去金边粉，增加多少少酸味 ，更加好味 ！金边粉味道啱啱好， 口感柔软 ，大虾都好新鲜， 花生碎又脆 ，相当唔错！仲点咗个一口椒盐豆腐， 全部都大大粒一碟满， 炸得金黄色，好靓！一口咬落去脆卜卜嘅表皮包住软滑嘅豆腐，仲有淡淡嘅盐味！ 觉得唔够味可以自己去加各式嘅调味粉！其实佢有好多唔同口味嘅粉， 有中式孜然粉 ，浓味芝士粉 ，惹味香辣粉， 日式海苔粉，同埋船面专用嘅辣粉， 每一种都好吸引！ 可以加入去椒盐豆腐度！最钟意嘅系浓味芝士粉， 同椒盐豆腐好夹！