影片
更多
2014-04-29
3640 浏览
明天就放复活节假啦！好happy，一早已决定放假前食餐好，因第二日出发去旅行~~妹妹之前黎过呢间食，话几正，所以我地一早book左位，book左7:45pm，4人，有猪女，肥猪同两个瘦猪妹妹~~我同男友准时到达，book左4个人，安排坐卡位，位置都好宽敞。出面热到熔左，入到去成个人舒服哂，打边炉食鸡煲最紧要咩？就系要冷气够凉，正！妹妹因收工迟左，成8:15pm先到，我地惟有先叫小食食住先，问左店员，店员话佢地既川味藕片好好食，咁就试一试啦~送到上枱已闻到好香既花椒味，上面铺满左好多酱及材料，夹了一片入口，原来系热的喔 真系估佢唔到。个汁系甜甜地，藕片好爽口，配合酱汁食，好正。食左落肚口后，一阵阵麻辣感在口中散发。食完两三片，口已觉得有点颇辣，但过了一会，该麻辣感又消失了，只剩下酱料香味在口中回味。店员果然无介绍错！在等待妹妹期间，一碟藕片已被两只猪食哂啦！hahahaha…妹妹黎到又叫左一碟凉伴海蜇头，海蜇头每一件都切到几大下，放在生菜上面，颜色配搭得好靓，望到都好开胃。海蜇头够冻，食落好爽脆，有少少辣，咸味适中，好开胃！呢度既火锅有好多款煲可以选择，但黎鸡煲店，紧系食鸡煲啦！佢既鸡煲
我同男友准时到达，book左4个人，安排坐卡位，位置都好宽敞。出面热到熔左，入到去成个人舒服哂，打边炉食鸡煲最紧要咩？就系要冷气够凉，正！
妹妹因收工迟左，成8:15pm先到，我地惟有先叫小食食住先，问左店员，店员话佢地既川味藕片好好食，咁就试一试啦~
送到上枱已闻到好香既花椒味，上面铺满左好多酱及材料，夹了一片入口，原来系热的喔 真系估佢唔到。个汁系甜甜地，藕片好爽口，配合酱汁食，好正。食左落肚口后，一阵阵麻辣感在口中散发。食完两三片，口已觉得有点颇辣，但过了一会，该麻辣感又消失了，只剩下酱料香味在口中回味。店员果然无介绍错！在等待妹妹期间，一碟藕片已被两只猪食哂啦！hahahaha…
妹妹黎到又叫左一碟凉伴海蜇头，海蜇头每一件都切到几大下，放在生菜上面，颜色配搭得好靓，望到都好开胃。海蜇头够冻，食落好爽脆，有少少辣，咸味适中，好开胃！
呢度既火锅有好多款煲可以选择，但黎鸡煲店，紧系食鸡煲啦！佢既鸡煲有分麻辣同辣既，我地几个都唔系咁好麻辣，所以叫左个滋味鸡煲一只，小辣。店员称此鸡煲味浓，辣中带有甜味的，一般人较易入口。店员另外仲上左一碗辣汁，说唔够辣可以加落去，打边炉加上汤时亦可加入去提味。我地叫的是冰鲜鸡，食落鸡肉唔会"鞋"，店员称加钱可以换成走地鸡，但本身食鸡煲都已好浓味，冰鲜鸡和走地鸡可能分别不大。
火锅配料有劲多选择，妹妹极力推介手切本地肥牛，我地叫了一份细的，盛惠HK$178。手切本地肥牛铺放在碟上，排得好靓，每一块片得大小适中，明明睇落无咩肥膏位，食落口牛味好浓郁，好香。
驼鸟肉非常有惊喜，平时去酒楼打边炉的驼鸟肉基本上没什么味道，但呢度既驼鸟肉食得出肉味，我唔知点形容，有点像鸭肉味道，而且肉质唔“鞋”，非常正！
又叫一份一级雪花牛粒12粒，睇落都已经好好味，脂肪分布好平均，而且咬下都好冧，不会“鞋”，而且牛味浓郁，非常好味。另外又叫了一份白菜仔，每一棵都好大棵，而且好新鲜。
叫了两份双并：
云吞并瑶柱白菜饺：云吞望落好大粒，但打完后皮散开哂，而且云吞皮都几厚。瑶柱白菜饺皮OK，好多料，但无味。
蟹子丸并芝士丸：蟹子丸，芝士丸大路货，但属较好的质素，芝士可拉丝，蟹子丸内蟹子都好多，不像佳宝的假丸般。金钱肚食落都有味，而且唔会韧。
黑木耳好大块，食落好爽口。
白鳝片好像只有8片，片到好薄，但食落口好有鳝味，也不会“鞋”，肉质好弹牙。猪黄喉，本属无味产品，也不易入味，但食落好爽脆。
比起任食打边炉或其他出面的散叫打边炉，呢间的食物质素颇高。食材新鲜，位置舒适，而且又无限时，朋友相聚饮野之选。
P.S. 妹妹叫左支Somersby Bottle，苹果味啤酒，点知佢饮完有少少醉，HAHA…
张贴
