安客蔥雞

营业中

休息中

西营盘高街越嚟越多酒吧、Cafe进驻，太耐冇食韩国菜，今次特登过嚟到访Uncle Padak，希望一尝佢地嘅招牌炸鸡~🍗 去骨炸鸡（细）$148炸鸡外脆内软，外皮香脆可口，食落鸡肉同外皮唔会分离，充满鸡肉鲜味，即使叫咗细份，仍然可以够两个人分，配上蜂蜜芥末酱，更能突出鸡味，会想追食。🍜 韩式拉面 $70想食清淡啲所以叫咗净韩式拉面，拉面系出面食到嘅韩式拉面，而且配上蛋花、洋葱同萝卜丝，汤底好香洋葱味，虽然看似普通，但清清淡淡、几好味。🍓 士多啤梨奶昔 $55奶昔卖相好fantasy，饮落似沙冰，碎冰口感偏滑身，欣赏奶昔唔似坊间𠮶啲死甜，甜甜地几开胃又唔会好腻。