品川日本料理 (已結業)

怕肥嘅女生都系抗拒唔到鱼生寿司，鱼生入口果种鱼肉鲜味真系好正，所以我地两个又去食放题。呢个地方宽敞，唔使担心坐得太密。好，坐低睇吓有咩好食先。唔好以为放题就质素麻麻，呢度嘅刺身新鲜度拍得住日本餐厅，带子粒粒爽甜，三文鱼、吞拿鱼红润光泽，甜虾鲜甜味美。雪花牛肉锅，新鲜牛肉有牛肉味，仲有粉丝垫底，甜甜地嘅汤底好惹味。寿司款式多，而且一口食得晒，饭粒软绵绵暖暖地，好味！仲有炸物、烧物都热辣辣上碟，怕热气都忍唔住要食。岀面仲有沙律、饮品、雪糕。