盛記酒家

营业中

休息中

早前听闻湾仔有间酒家不错，今次就拣呢度提早做冬，酒家处于商厦之内，内里是一般酒楼格局，有个养海鲜嘅大水族箱。茶壶、杯、碗、碟、筷子托等都印有锦鲤图案，特别赏心悦目😍茶芥来了一碟好味嘅花生，酥腍中带著淡淡八角香，好快就食个清光。听闻这里乳猪系即烧，就叫咗1/4只😋乳猪外皮烧得松脆，🥰连只碟都系热辣辣上枱。随烧乳猪有一笼饼皮，令人想起食北京填鸭，将饼皮夹住乳猪一齐食，脆卜卜，唔肥腻。😋就咁食，皮脆肉嫩，肉汁丰盈，味道刚好。叫个鲍鱼鸡煲应吓节，鸡煲内有大量蒜子姜片，滋滋作响，香气扑鼻。大约有4-5只鲜鲍，口感软弹，鸡件嫩滑有鸡味，浓浓酱汁，够晒惹味。蔬菜拣咗云耳百合炒藕片😋配菜有西芹、甘笋。小菜口感爽脆，味道清新。榄角冰梅骨排骨表层炸到酥脆，淋上榄角碎、冰糖、梅子煮嘅酱，外表晶莹，味道吸引。内里肉质松软，榄角味香，和著冰糖的甜，梅子的微酸，确系色、香、味俱全。蒜片牛仔粒$98蒜片金黄惹味，牛仔粒有咬口肉味浓。食完仲有糖水送，紫米露香甜适中，正好在干燥天气中润一润。