釜之魂釜飯專門店 (淘大商場) (已結業)

今晚收工同男朋友倾食咩，因为咁啱又响九龙湾，所以就试食一间之前成日经过嘅餐厅，就系今次依间日本餐厅啦。每次望入去都见到好多人食，咁今次就试吓啦。入去坐低咗，个待应好好服务，即刻推介当日嘅限量嘢食，但因为我哋一早就见到餐牌入面想食嘅嘢，所以就好快咁叫咗两个主食加一个小食。今次叫左个金魂蒲烧鳗鱼釜饭，金魂版嘅鳗鱼油分最多，而且鱼骨最少，上菜见鳗鱼都几大块，食落肉质肥厚，加埋个浦烧汁好正🤤五花豚肉釜饭，啲五花肉好邪恶好香🤣，仲带有少少鲜嫩嘅粉红色🐷值得一提釜饭由高汤加饭同配菜一同烹煮而成，所以啲饭都好入味🤤吉列牛舌，外层香脆，牛舌都几有口感👍🏻最后食完都好饱，所以无再添加了。今餐食嘅几样嘢都几好唔错。下次嚟会试吓其他款式。支持支持！