影片
更多
2015-03-22
402 浏览
最近有点小忙，不想留在家里吃的晚上约了阿爸阿妈出黎打个边炉，阿爸话未食过鸡煲，咁不如就今晚试一试佢。同事强烈推荐奇乐鸡煲，话其食材真材实料，样样新鲜制造，绝非交黎嘅冰鲜货！无添加食材食得安心，亦适合三高嘅父亲大人，咁就食呢间啦。坐低慢慢睇下叫咩，店员好快上左小食花生，豉油，仲有其他配料，落左少少芫荽，青葱，同辣椒，唔会太抢味。先叫左一支啤酒，另外仲叫左罐忌廉同蜂蜜绿茶，饮品餐牌上选择几多，点餐酒嘅话仲有桶蚝送！今晚拣左椰子汤底，而鸡要左香港bb鸡。椰子汤底果真真材实料，十分清甜，啖啖椰子香，阿爸连饮两碗停唔到口。虽然系叫bb鸡，但店员解释系指啲肉好似bb咁嫩，并唔系指个size，拿拿淋落哂啲鸡，煲一煲，再焗一阵，食得！鸡肉十分嫩滑，真系脂肪少，鸡味浓，要讲返句鸡有鸡味！食紧鸡嘅期间，叫左嘅配料陆续咁黎，卖相一流。手打墨鱼滑 $88满满一条，好弹牙，食得出唔系沟粉，墨鱼嘅鲜味系哂度。鬼马油炸鬼 $88等紧啲料滚嘅时候食一流，又香又脆，一啲都唔油腻，又系好爽好弹牙，正！特级手切肥牛 $238浓浓嘅牛味，不肥但绝对唔韧，就算淕好耐都唔会鞋，同一般肥牛好唔同，一块接一块停唔到口。莲藕片 $38
同事强烈推荐奇乐鸡煲，话其食材真材实料，样样新鲜制造，绝非交黎嘅冰鲜货！无添加食材食得安心，亦适合三高嘅父亲大人，咁就食呢间啦。
坐低慢慢睇下叫咩，店员好快上左小食花生，豉油，仲有其他配料，落左少少芫荽，青葱，同辣椒，唔会太抢味。
先叫左一支啤酒，另外仲叫左罐忌廉同蜂蜜绿茶，饮品餐牌上选择几多，点餐酒嘅话仲有桶蚝送！
今晚拣左椰子汤底，而鸡要左香港bb鸡。椰子汤底果真真材实料，十分清甜，啖啖椰子香，阿爸连饮两碗停唔到口。虽然系叫bb鸡，但店员解释系指啲肉好似bb咁嫩，并唔系指个size，拿拿淋落哂啲鸡，煲一煲，再焗一阵，食得！鸡肉十分嫩滑，真系脂肪少，鸡味浓，要讲返句鸡有鸡味！
食紧鸡嘅期间，叫左嘅配料陆续咁黎，卖相一流。
手打墨鱼滑 $88满满一条，好弹牙，食得出唔系沟粉，墨鱼嘅鲜味系哂度。
鬼马油炸鬼 $88等紧啲料滚嘅时候食一流，又香又脆，一啲都唔油腻，又系好爽好弹牙，正！
特级手切肥牛 $238浓浓嘅牛味，不肥但绝对唔韧，就算淕好耐都唔会鞋，同一般肥牛好唔同，一块接一块停唔到口。
莲藕片 $38有啲爽藕有啲粉藕，薄切，淖一淖食得。
手打四宝丸 $118大大粒好吸引，左起鲮鱼丸，牛丸，虾丸，墨鱼丸。同样爽口弹牙，滚完都无缩水㗎，无沟粉，无加味精，真系好食过冻肉舖嘅n倍。
双拼饺 (奇乐水饺皇拼黑松露带子饺) $138水饺虾爽好香麻油味，带子饺超香黑松露味带子又甜又鲜，大大只，皮薄得黎又唔会烂。
冰豆腐 $58豆味浓，口感似腐皮，哈哈，得意又好味。
唐蒿 $38唔系度度有唐蒿，亦唔系人人钟意佢阵味，咁啱我同屋企人都劲钟意，梗系要叫啦。大大盘好新鲜，吸埋汤汁食一流。
睇下几多料，仲有新鲜牛肉先会有嘅粉红色呀，唔好而为系唔熟呀！
一人围起三百几，够三百五十就有鸡煲半价，抵！
仲有其他优惠！
记住打卡！食饱饱抱住个肚仔走，哈哈~
张贴
