影片
更多
2023-11-18
25 浏览
天气开始冻，又系时候要烚吓烚吓！除咗平时去开嘅大型连锁火锅店，有时去吓啲火锅私房菜，食材用料更高质，而且环境比较好坐，有冇限时，可以同屋企人慢慢打个边炉，今次散嗌咗少少试一试佢～后尾先知原来呢间火锅小店推出咗四人海鲜火锅套餐，除咗有自家制滋补炖汤火锅，仲有海鲜拼盘、原只龙虾、手切安格斯牛呢啲高质食材，人均都唔使$300，性价比都几高😳，下次再嚟试！------------------------------🥘◖芫荽皮蛋x沙嗲浓汤◗ 叫咗鸳鸯汤底，芫荽皮蛋汤用咗大量芫荽、咸鸭同甜菜皮蛋熬煮，清清地拎嚟煮海鲜一流；沙嗲汤底好重花生味，成个汤几稠，够浓郁！🐟◖脆鲩鱼片◗ 鲩鱼片一份有好多片，每片都好厚切🐖◖鲜粉肠◗ 佢嘅粉肠处理得几好几干净，放咗落沙嗲汤度煮，好入味！煮完之后口感有啲韧，但都几易咬，里面粉粉地，口感几特别！🥟◖美颜云吞◗ 呢个素菜饺里面夹住红萝卜、椰菜，饺子皮亦都唔会太厚，几清甜🧆◖手打四宝丸◗可以试到四款佢哋嘅招牌手打丸，有金沙牛丸、黑松露猪肉丸、清酒鲜虾丸同柚子墨鱼丸，口感都几弹牙。觉得佢哋个牛丸同猪肉丸做得几出色，牛丸有起沙嘅咸蛋黄；猪肉丸浓郁嘅黑松露味超香，但
------------------------------
🥘◖芫荽皮蛋x沙嗲浓汤◗
叫咗鸳鸯汤底，芫荽皮蛋汤用咗大量芫荽、咸鸭同甜菜皮蛋熬煮，清清地拎嚟煮海鲜一流；沙嗲汤底好重花生味，成个汤几稠，够浓郁！
🐟◖脆鲩鱼片◗
鲩鱼片一份有好多片，每片都好厚切
🐖◖鲜粉肠◗
佢嘅粉肠处理得几好几干净，放咗落沙嗲汤度煮，好入味！煮完之后口感有啲韧，但都几易咬，里面粉粉地，口感几特别！
🥟◖美颜云吞◗
呢个素菜饺里面夹住红萝卜、椰菜，饺子皮亦都唔会太厚，几清甜
🧆◖手打四宝丸◗
可以试到四款佢哋嘅招牌手打丸，有金沙牛丸、黑松露猪肉丸、清酒鲜虾丸同柚子墨鱼丸，口感都几弹牙。觉得佢哋个牛丸同猪肉丸做得几出色，牛丸有起沙嘅咸蛋黄；猪肉丸浓郁嘅黑松露味超香，但觉得虾丸同墨鱼丸稍为逊色，调味会略盖过丸嘅鲜味～
🐂◖手切安格斯◗
佢嘅口切牛肉好有诚意，一盘嘅份量都有几多，雪花嘅纹路好靓，肉质软腍，食落去牛肉味浓郁，亦都唔会觉得好腻
🦐◖黑虎虾大蚬◗
呢度嘅海鲜好新鲜，黑虎虾肉质紧实，好鲜甜；大蚬大大粒，肉质饱满！
🥬◖油麦菜◗
食到最后加啲油麦菜去煮，吸晒啲汤汁，特别鲜甜
🌟 Encore指数：9.3/10
张贴
