豐鍋雞煲 (荔枝角道) (已結業)

呢间出名食鸡煲火锅嘅餐厅，原来比我发现佢出咗其他鸡煲款式，所以今日又去试吓。我首先叫咗个螺片花胶鸡煲，佢系汤上先，入面有螺片，红枣同杞子，我见颜色好金黄，应该系老火汤，鸡同花胶系同汤分开上，可以见到劲大碟非常足料，，花胶份量都几多，仲要好厚身同好大条，之后就攞碟花胶同鸡落落去，滚一滚，就可以食得，鸡肉仲保持好嫩滑，啖汤饮落去好鲜甜好浓郁，呢个鸡煲真系好正。虾滑，非常爽口弹牙，mix埋d蟹子，食落有卜卜声嘅口感。手工即炸鱼皮，呢度d鱼皮真系大块到好夸张，成只前手臂咁长，同到块鱼皮好薄身，完全唔厚炸粉，食落好脆口，原条炸鱼皮，真系劲正。顶级安格斯小牛排，d牛肉嘅雪花真系好靓，脂肪分布好均匀，入口即溶，非常淋滑，好重牛味。白菜仔，因为我地完全冇加其他汤，d菜吸收晒d鸡汤精华，完全唔使点豉油都好入味。我地仲叫咗2个特饮，篮碟雪梨＆水蜜桃梳打，打边炉唔少得饮品，呢2款特饮都几解渴，2杯嘅颜色都好靓，有好重嘅水果味，仲要劲大杯，非常抵饮。