椰粉湯紅 (已結業)

放工经过轩尼诗道，比一间叫「椰粉汤红」嘅餐厅吸引。是关门口呈圆形，重有个匙羹(假)。好奇停底睇下，见佢全部食品不加味精，又有汤又有饭又有菜食，好健康咁，外卖重有九折，就嗌个外卖啦。椰香海南鸡椰香饭套餐鸡肉质滑溜，点埋酸酸嘅酱汁食一流！椰香饭好香，有d香芧香。菜芯翠绿鲜甜冇渣。糖脆炙烧猪颈肉椰香蛋包饭猪颈肉肥瘦适中，炙烧过见到边微焦，入口焦香微甜。另外附上椰汁供食客自行调味。蛋份量够多，多到遮住成个饭！蛋包饭嘅蛋厚薄适中，有蛋香。重有南瓜同蕃茄仔做配菜。南瓜够腍，味甜。放工个人已经虚脱😵，好想饮d汤水润一润。呢度有炖汤饮😍，正呀！「食疗拿杯汤」每个礼拜转一次。今个礼拜嘅食疗拿杯汤系「陈皮菜干龙王杏汤」。一于试一试！汤嘅色水好深，饮落去好香菜干味。饮完唔会觉得口渴，个人即刻觉得滋润晒～🥰