影片
更多
2018-08-05
102 浏览
难得马鞍山开咗一间连锁嘅精品火锅店-养心殿台式养生锅，就专程去试吓佢嘅特色火锅底。餐厅装修古色古香，门口仲要好有气派，揸车人士可以泊喺商场入面，非常方便。店员安排我哋入座，多数以四人枱设计，而且每一台都有屏风隔住，私隐度极高，朋友们可以畅所欲言。我哋比较喜欢药材锅底，所以我哋选择咗养生锅拼美人锅。养生锅配以多种名贵药材及人参，汤底仲要以火腿、鸡肉同埋猪肉淆制而成，所以味道好香浓。饮一啖汤底药材味浓郁，非常滋补。等紧火锅配料期间，我哋叫咗小食-炸午餐肉，午餐肉质感好林之外，外脆内软，非常滋味。火锅配料多款选择，而且Menu有两版纸任拣，我哋叫咗即炸响铃卷、蟹籽墨鱼滑、鹅肝墨鱼丸、手切牛肉同埋厚脂黑毛猪梅花肉等。牛魔王嘅我们当然唔少得叫一份极品安格斯牛颈脊，骤眼睇见到牛肉嘅条纹非常平均，而且呈现鲜红色，非常新鲜。牛颈脊食落去有好浓郁嘅牛肉味道，口感好软熟。厚脂黑毛猪梅花肉尤其特色，喺出面嘅火锅店好少会食到，放入锅底灼几分钟就食得，食落去质感烟靭，有咀嚼口感，而且黑毛猪肉味道浓郁。即炸响铃卷即叫即炸，非常香脆，将响铃卷浸落去汤底3秒钟就食得，味道混杂咗药材汤底嘅精华所在。最后食咗咁多嘢都只系
难得马鞍山开咗一间连锁嘅精品火锅店-养心殿台式养生锅，就专程去试吓佢嘅特色火锅底。餐厅装修古色古香，门口仲要好有气派，揸车人士可以泊喺商场入面，非常方便。
店员安排我哋入座，多数以四人枱设计，而且每一台都有屏风隔住，私隐度极高，朋友们可以畅所欲言。
我哋比较喜欢药材锅底，所以我哋选择咗养生锅拼美人锅。
养生锅配以多种名贵药材及人参，汤底仲要以火腿、鸡肉同埋猪肉淆制而成，所以味道好香浓。饮一啖汤底药材味浓郁，非常滋补。
等紧火锅配料期间，我哋叫咗小食-炸午餐肉，午餐肉质感好林之外，外脆内软，非常滋味。
火锅配料多款选择，而且Menu有两版纸任拣，我哋叫咗即炸响铃卷、蟹籽墨鱼滑、鹅肝墨鱼丸、手切牛肉同埋厚脂黑毛猪梅花肉等。
牛魔王嘅我们当然唔少得叫一份极品安格斯牛颈脊，骤眼睇见到牛肉嘅条纹非常平均，而且呈现鲜红色，非常新鲜。牛颈脊食落去有好浓郁嘅牛肉味道，口感好软熟。
厚脂黑毛猪梅花肉尤其特色，喺出面嘅火锅店好少会食到，放入锅底灼几分钟就食得，食落去质感烟靭，有咀嚼口感，而且黑毛猪肉味道浓郁。
即炸响铃卷即叫即炸，非常香脆，将响铃卷浸落去汤底3秒钟就食得，味道混杂咗药材汤底嘅精华所在。最后食咗咁多嘢都只系＄1200左右，每人平均消费＄300有找，有咁好嘅服务质素，而且食物新鲜美味，真系值回票价。
张贴
