影片
更多
2019-03-30
22 浏览
《老锅台式火锅》#食在铜锣湾 台式#火锅📍铜锣湾骆克道491-499号京都广场2楼【滋阴又养颜的美人锅💁🏼♀✨】到左某个年纪，连打边炉都开始着重养生。近年黎台式火锅店一间接一间咁开，上网揾左揾，见到老锅铜锣湾都有两间分店，一定好热门。我都唔执输约埋班姊妹放工黎叫个美人锅养下颜先。铜锣湾京都广场方便易揾，一上地铁站过对面就到。好彩平日早黎到，唔洗等位。门口位仲有LED电视俾客人放天灯，都几有创意，星期五六日黎如果要等位，玩下都可以消磨时间。😆______________________________🔸美人锅上锅既时候闻到好香，材料都十分丰富。除左乌鸡、杞子、南枣，仲有桃胶！女士养颜食多啲真系一流！有粟米一齐保个汤底，非常鲜甜。🔸一品花雕醉鸡件醉鸡件腌得够入味，就算烚完之后食都仲有花雕味。鸡件厚肉，口感嫩滑。🔸美国特级牛肋肉所谓牛肋肉原来都系薄切咁上，份量够三四个人食。雪花分布平均，落汤烚十秒到就食得，好新鲜！🔸饺类拼盘🔸梅菜猪肉丸 及 虾丸饺类同丸类都中规中矩，梅菜猪肉丸系相对突出既一样。手打肉丸够弹牙，同梅菜打在一起更有咬口，口感唔错。🔸鲜炸响铃 及 咸蛋炸鱼皮鲜炸响铃size巨大
📍铜锣湾骆克道491-499号京都广场2楼
【滋阴又养颜的美人锅💁🏼♀✨】
到左某个年纪，连打边炉都开始着重养生。近年黎台式火锅店一间接一间咁开，上网揾左揾，见到老锅铜锣湾都有两间分店，一定好热门。我都唔执输约埋班姊妹放工黎叫个美人锅养下颜先。
铜锣湾京都广场方便易揾，一上地铁站过对面就到。好彩平日早黎到，唔洗等位。门口位仲有LED电视俾客人放天灯，都几有创意，星期五六日黎如果要等位，玩下都可以消磨时间。😆
______________________________
🔸美人锅
上锅既时候闻到好香，材料都十分丰富。除左乌鸡、杞子、南枣，仲有桃胶！女士养颜食多啲真系一流！有粟米一齐保个汤底，非常鲜甜。
🔸一品花雕醉鸡件
醉鸡件腌得够入味，就算烚完之后食都仲有花雕味。鸡件厚肉，口感嫩滑。
🔸美国特级牛肋肉
所谓牛肋肉原来都系薄切咁上，份量够三四个人食。雪花分布平均，落汤烚十秒到就食得，好新鲜！
🔸饺类拼盘
🔸梅菜猪肉丸 及 虾丸
饺类同丸类都中规中矩，梅菜猪肉丸系相对突出既一样。手打肉丸够弹牙，同梅菜打在一起更有咬口，口感唔错。
🔸鲜炸响铃 及 咸蛋炸鱼皮
鲜炸响铃size巨大，一浸即食。而炸鱼皮加上咸蛋黄一齐炸，够香之余，仲好酥脆！就咁食或者浸汤食都好食。
🔸台湾水莲
之前我未听过水莲，朋友就话系台湾火锅黎讲几common，算系蔬菜既一种。如果唔剪就会好长，所以剪一剪先落会好啲。唔洗烚耐，一阵就得。食落爽爽地就好似食青瓜咁。
🔸宽条面 及 新竹米粉
食到六成饱再叫少少粉面，就更饱肚喇。今次唔食乌冬，转食其他。个人好钟意宽条面，口感烟韧有啲似薯粉，形状似河粉。
🔸乌梅汁
打边炉首选一定系叫乌梅汁，同酸梅汤味道差不多，下火得黎又够开胃。
．
环境分数: 8/10
食物分数: 8/10
张贴
