順興茶餐廳

营业中

休息中

周末既late lunch变左下午茶，想食D野但又唔想太饱影响晚餐食欲，一碟碟头饭似乎可以满足两个需求。顺兴似乎好出名，但小妹系无意中有一次系对面食日式拉面，好奇见到对面咁多香港人排队食茶餐厅，想必一定内有干坤。果然今次一试真系有惊喜！店内主攻蛋包饭（我认为叫「盖饭」贴切D）同车仔面，基本上每位客人黎到都必叫。可惜呢日我地late lunch已3pm，好多材料已经卖晒，净番牛同猪，所以就一碟猪扒蛋，一碟牛肉蛋试一试。﹣猪扒滑蛋饭：猪扒已经去骨切好，油光令令相当吸引；旁边配一小兜甜酱油，好似淋肠粉既果种酱油咁，我加左小小已经觉得够味，并不需要太多。猪排较薄身，肉质好嫩，两面煎得颇香，配上滑嘟嘟既滑蛋及小小葱花，原来美食就系咁简单！﹣滑牛滑蛋饭：同猪排相比的确逊色少少，不过亦不错；牛肉味道腌得刚好，但肉质因为要‘滑’所以比较松散，不需要多加咀嚼（适合懒人！）也不会难吞；另外，饭粒用的是泰国米，长而干身，配合湿润多汁既滑蛋，整体感觉都不错见到不少食客叫左车仔面，睇黎下次都可以一试！同埋要早D黎食埋个滑蛋差烧！