廣式石磨腸粉

营业中

休息中

自从疫情以来少咗好多去酒楼饮茶食点心，以前去亲酒楼都一定会点肠粉，抵食又好食，而家唔想一大班人聚集。好彩嘅系坊间有呢啲石磨肠粉店，过下口瘾。呢间小店嘅石磨肠粉好滑，果然用传统石磨整出嚟系唔同啲。其实就算未放入口，睇个卖相都知道个分别。因为佢嘅外层肠粉皮好薄，好似腐皮咁，夹嘅时候亦都唔可以太暴力，如果唔系好容易整散。石磨呢个设计真系够晒独特！真材实料，磨出嚟嘅米浆一定系好细腻先有呢个嫩滑口感。做晚餐，一次过点咗三款，再加个伊面。原本想食粥同饮豆浆，但去到已经卖哂。拣咗虾肠、鱿鱼虾皮香菇肠、叉烧肠各有各特色，各有各好食！好多馅料呢度两个人食已经好饱虽然小店位置唔起眼，但都好多街坊帮衬咁，keep住有人嗌外卖。可惜夜啲去食有啲嘢就会卖晒。