義香荳腐食品

营业中

休息中

有野要落九龙城买，行过门口见到呢间野专卖豆制食品，心谂品质都会有保证，于是入去食番碗豆腐花。坐低叫左碗热豆腐花。等紧碗豆花既时候见到餐牌上写住炸素鸡，因为本身几钟意食素鸡而且又太耐冇食，所以即刻叫左碟黎食。豆腐花：个人认为豆腐花热食先够香，入口好滑，亦够豆香，加上适量黄糖，甜味刚刚好，唔错。炸素鸡：见佢即叫即炸，首先一定够新鲜热辣。炸得亦够，岩岩好，唔会太干，可能系香口野又可能系因为太耐冇食，所以食唔停口。记得好似有2大条，一开四咁切，都系6蚊，都几抵。食完好饱，埋单都系11蚊，好平。个人认为拍得住公和。呢度环境就麻麻，如唔惯既朋友最好都系外卖。