栢檔極品海南雞飯 (已結業)

今日5:45pm同亚女一齐去咗栢档食海南鸡饭，去到仲有下午茶，所以就叫咗下午茶，$46仲有汤饮，抵食，油饭香而不腻一大碗，鸡已去骨，仲好滑添，南瓜汤较多渣溶了，有些人未必钟意，我就觉得还好，因为钟意佢无味精。走前谂住外卖比老公食，惊佢唔够饱，所以嗌返原价个餐，侍应话会比下午茶多三份一，就叫咗原价嘅鸡饭，佢话可以走胸添，点知，返到屋企，发现鸡嘅份量，同下午茶一样，仲要冇走鸡胸，超失望。不过整体都好食嘅。