金記冰室 (八號花園) (已結業)

大埔友食饭，经过八号花园嘅金记冰室，个门面喺大埔区嚟讲算系大，放满餐牌喺门口，睇啱野入，GO~【老火汤】都算有啲汤料，又唔会太咸，OK啦。【无冰奶茶】我自己就最钟意，茶味够，又用冰镇方法，保持奶茶浓度。朋友就大赞【绵滑蛋白杏仁茶】，清香杏仁茶再加上滑滑蛋白，唔系度度有得饮！【滑蛋非王炒虾仁】 竟然可以满足到我奄尖朋友嘅要求：走韭王！ 蛋炒得非常嫩滑，最值得赞系个虾仁好大只，有虾味又弹牙又无虾屎，照计应该系急冻虾仁，但估唔到有鲜虾味道，有惊喜㖞。【白胡椒猪肚鸡煲】呢个有啲失色，虽然材料唔少，但猪肚同鸡件都偏硬，唔太入味。 个汤嘅胡椒亦唔太突出。最后叫左【金粒西多配雪糕】做甜品，即炸西多粒配埋雪糕球，YUMMY~~员工服务同态度都唔错，执枱收碟勤快。 枱面亦贴纸写住啲防疫措施，食得放心！